गॅस शेगडी कशी वापरावी

 गॅस शेगडी कशी वापरावी ?

(मॅन्युअल इग्निशन गॅस शेगडी) 

जाहिरात

-इन्स्टॉलेशनचे पूर्वी उपलब्ध करायच्या गोष्टी :-

_गॅस सिलेंडर  कनेक्शन रेग्युलेटर सह 

-इन्स्टॉलेशन वेळी उपलब्ध करायच्या  गोष्टी :-

_गॅस पाईप 

_गॅस लायटर

-गॅस  सप्लाय घ्यायची काळजी :

_एक्सपायरी डेट न झालेला सिलेंडर (टाकी वर उल्लेख असतो) 

_गॅस सिलेंडर एक्झिट नोझल मधील वायसरची तपासणी 

_गॅस रेग्युलेटरची अधिकृत कंपनीकडून उपलब्धता 

_गॅस पाईपची 5 फुटापर्यंत मर्यादा (यापेक्षा जास्त असल्यास कॉपर पाईप वापरू शकता) 

_गॅस शेगडीसाठी  सुटसुटीत जागा

_गॅस शेगडीची गॅस सिलेंडर पेक्षा अधिक उंचीवर जोडणी

 

-गॅस शेगडी साठी विशेष काळजी

_गॅस शेगडीची  जागा वारंवार बदलू नये . गॅस पाईप जोडलेली असता गॅस शेगडीची जागा बदलल्यास नोझल खराब होऊ शकतो. 

_गॅस शेगडीची बटणे /नॉब हळुवारपणे अलगद हाताळावीत .गॅस चालू करताना नॉब किंचित आत ढकळणे आवश्यक असते .व गॅस बंद करताना जराही बाहेर ओढायची गरज नाही .

_गॅस शेगडी ग्लास टॉप असल्यास असा सरफेस गरम असताना गार पाण्याशी संपर्क होऊ देऊ नये ,वापर झाल्यानंतर कोरड्या कापडाने व काही वेळाने ( तासभर ) ओल्या कापडाने पुसयला हरकत नाही . 

_गॅस शेगडीचे बर्नर कॅप महिन्यातून एकदा गरम पाणी व लिक्वीडने धुवावेत व कोरड्या कापडाने पुसून पुन्हा वापरावे . कोणत्याही परिस्थितीत बर्नर कॅप गरम असताना गार पाण्याशी संपर्क होऊ देऊ नये .

_ग्लास टॉप सरफेस  व ब्रास कॅप यांचं तापमानात अचानक बदल झाल्यास त्यामध्ये तडा जाणे / आकार बदलणे  असे दुष्परिणाम संभवतात म्हणून गरम असताना गार पाण्याशी संपर्क होऊ देऊ नये. 

_गॅस शेगडीच्या बटण/नॉब व निपल,गॅस कॉक मध्ये पाणी किंवा अन्य पदार्थ जाणार नाही याची दक्षता घ्यावी, यामध्ये पाणी किंवा अन्य पदार्थ गेल्यास ग्रीस व पाणी वा अन्य पदार्थ एकत्रित होऊन तयार होणारा लगदा, चिकटा यामुळे गॅस शेगडी मध्ये बिघाड संभवतो. 

_गॅस शेगडी पाणी ओतून धुवायची नसते, त्या ऐवजीओल्या कापडाने पुसून काढू शकता . 

_गॅस शेगडीच्या आसपास (विशेषतः गॅस कॉक,निपल इत्यादी ठिकाणी) मुंग्या, झुरळ, पाल किंवा तत्सम किटक / प्राणी जाऊन बिघाड होऊ शकतो. यासंदर्भात उपाय योजना करावी. 

_गॅस शेगडी वर उलटे भांडे ठेवून बर्नरला हवा मिळणार नाही अशी कोणतीही स्थिती निर्माण करु नये. हे अपघाताला आमंत्रण ठरु शकते. 

_इलेक्ट्रिक वायरिंग व बल्ब वगैरे युनिट पासून थोडे लांब असावे. 

_गॅस लिकेजचा किंवा भडक्याचा वगैरे संशय असल्यास रेग्युलेटर तत्काळ बंद करावा व तज्ञ तांत्रिकाकडून तपासणी वा दुरुस्ती करून घ्यावी

दिलेल्या माहितीत मशिनच्या कंपनी व मॉडेल  नुसार बदल आवश्यक असू शकतात. 

गॅरंटी वॉरंटी कार्ड व इन्स्ट्रक्शन मॅन्युअल काळजीपूर्वक वाचा. 

नियम व अटी लागू*